Magtymguly muzeýine wirtual syýahat

     2024-nji ýyl Pähim-paýhas ummany Magtymguly Pyragy şygara esaslanyp, taryhy we ülkäni öwreniş ugurlarynda öz goşandymyzy goşmak maksady bilen Balkan welaýatynyň Magtymguly etrabynda ýerleşýän Magtymguly Pyragynyň muzeýlerine wirtual syýahaty gurnamak üçin gerek bolan programma üpjünçiligini döretdik. Bu programma diňe bir kompýuterlerde ulanmak mümkinçiligi bolman eýsem ony ykjam telefonlarda, planşetlerde we VR enjamynda ulanmak mümkindir.

Funksional mümkinçilikleri:  

• Türkmenistanyň çäginde ýerleşen medeni we milli ýädygärlikleri wirtual syýahatyň kömegi görmek.
• Witual syýahatyň kömegi bilen ýaş çagalaryň we okuwçylaryň aňyny has-da ösdürmek we olarda jadylaýjy täsir galdyrmak.
• Sanly ulgamyň mümkinçiliklerinde peýdalanyp maddy taýdan çäkli bolan adamlara wirtualyň kömegi bilen Magtymguly muzeýine syýahat etmek.

     Programma üçin Türkmenistanyň Maliýe we ykdysadyýet ministrliginiň Intellektual eýeçilik boýunça döwlet gullugy tarapyndan №219 şahadatnamasy alyndy.

Hukuk eýesi: MAGTYMGULY ADYNDAKY TÜRKMEN DÖWLET UNIWERSITETINIŇ

                       TEBIGY WE TAKYK YLYMLAR BOÝUNÇA YLMY-BARLAG MERKEZI

Awtorlary: Bäşimow Arslan Şöhradowiç, Salamow Şatlyk Şamyradowiç, Haýdarow Abdurahman Baýramgeldiýewiç

Programmany satyn almak we goşmaça soraglar üçin elektron poçtamyza (info@tducentre.edu.tm) ýüz tutup bilersiňiz.