Matematika

     Hormatly Prezidentimiz Serdar Berdimuhamedowyň ýolbaşçylygynda ýurdumyzyň ähli ulgamlarynda, şonuň bilen birlikde, ylym-bilimde amala aşyrylýan düýpli täzelenişlere, uzak geljegi nazarlaýan giň gerimli maksatnamalara täze badalgalar berilýär.

Okuw maksatnamasy taýýarlanylanda mekdep matematikasynyň ähli basgançaklaryny doly öwretmeklik, diňleýjileriň degişli matematiki meseleleri çözmekde öwrenen bilimlerini ulanyp bilmeklik wezipelerinden ugur alyndy.

“Matematika” okuwy boýunça okuw meýilnamasyna laýyklykda, “Matematika 1” (90 sagat) tapgyryny tamamlan diňleýjiler natural sanlary we olaryň üstünde geçirilýän amallary, geometrik figuralary we ululyklary, natural sanlaryň bölünijiligini, ady droblary goşmagy we aýyrmagy, ady droblary köpeltmegi we bölmegi, onluk droblary goşmagy we aýyrmagy, onluk droblary köpeltmegi we bölmegi, položitel we otrisatel sanlary goşmagy we aýyrmagy, položitel we otrisatel sanlary köpeltmegi we bölmegi, rasional sanlary, biragzalary we köpagzalary, gysga köpeltmek formulalaryny, funksiýalary, çyzykly deňlemeler sistemasyny çözmegi, geometriýanyň başlangyç maglumatlaryny, üçburçluklary, parallel göni çyzyklary, algebraik droblary, arifmetik kwadrat köki, kwadrat deňlemeleri çözmegi, çyzykly deňsizlikleri çözmegi, üçburçlugyň taraplary bilen burçlarynyň arasyndaky baglanyşyklary, dörtburçluklary, figuralaryň meýdanlaryny hasaplamagy öwrenerler.

“Matematika” okuwy boýunça okuw meýilnamasyna laýyklykda, “Matematika 2” (72 sagat) tapgyryny tamamlan diňleýjiler bitin görkezijili derejäni, kwadrat funksiýany, deňlemeler we deňlemeler sistemasyny, meňzeş üçburçluklary, töwerek bilen göni çyzygyň özara ýerleşişini, wektorlary, progressiýalary, trigonometrik funksiýalary, funksiýalary we olaryň grafiklerini, trigonometrik deňlemeleri we deňsizlikleri, koordinatalar usulyny, üçburçlugyň taraplary bilen burçlarynyň arasyndaky gatnaşyklary, töweregiň uzynlygy we tegelegiň meýdanyny, hereketi öwrenerler.

“Matematika” okuwy boýunça okuw meýilnamasyna laýyklykda, “Matematika 3” (72 sagat) tapgyryny tamamlan diňleýjiler köpagzalary, funksiýalaryň grafiklerini, görkezijili, logarifmik, derejeli funksiýalary, predeli we üznüksizligi, önümi we onuň ulanylyşyny, integraly, differensial deňlemeleri, kombinatorikanyň elementlerini, ähtimallyklar nazaryýetini we matematiki statistikanyň elementlerini, hakyky we kompleks sanlary, deňlemeleriň we deňsizlikleriň sistemalaryny, stereometriýanyň başlangyçlaryny, giňişlikde parallelligi we perpendikulýarlygy, giňişlikde Dekart koordinatalaryny we wektorlary, köpgranlyklary, aýlanma jisimleri, giňişlik özgertmelerini, köpgranlyklaryň we aýlanma jisimleriň göwrümlerini hasaplamagy öwrenerler. Şu okuw dersiniň okadylmagynyň esasy maksady matematikanyň ähli bölümleri boýunça ýaşlara çuňňur bilim bermekden, olaryň okuw materiallaryny doly öwrenip bilmeklerini gazanmakdan ybaratdyr. Taýýarlanan okuw maksatnamasy orta umumy bilimiň mazmunynyň hökmany minimumyna gabat gelýär.

Okuwlary Magtymguly adyndaky Türkmen döwlet uniwersitetiniň mugallymlary okadýar.

Okuwlar Magtymguly adyndaky Türkmen döwlet uniwersitetiniň çäginde sagat 17:00 dan soň gurnalýar. 

Matematika okuwyň tölegi:

90 sagat üçin 1 020 manat.

72 sagat üçin 1 000 manat.

Tölegler nagt we nagt däl görnüşinde amala aşyrylýar.